Yangiliklar
Oshxonada sog‘liq uchun eng xavfli besh narsa
Birinchi o‘rinda idishlarni yuvish uchun eng oddiy shimgich
Sizningcha, uydagi eng iflos joy, yovuz bakteriyalar armiyasi yashiringan hojatxonaning chetimi? Yo‘q. Nemis olimlari yana bir bor idishlarni yuvish uchun shimgichni bakteriyalar uchun eng yomon ko‘payish joyi deb atadi. Bir necha yillardan beri olimlar infeksiyalar shimgichlarda faol ravishda ko‘payishi haqida ogohlantirmoqda. Ammo endi ular gupka ustida antibiotiklarga chidamli, meningit va sepsisni keltirib chiqarishi mumkin bo‘lgan jiddiy patogen bakteriyalarni topdilar.
Bundan tashqari, bu bakteriyalarning mavjudligi shimgichning materialiga umuman bog‘liq emas - u eng arzon yoki eng qimmat shimgich bo‘ladimi, bakteriyalar foydalanishdan keyin bir hafta ichida hamma narsada bir xil darajada o‘sib chiqadi. Olimlar shimgichning sirtini turli dezinfeksiyalash vositalari bilan tozalashga harakat qilishdi, ammo bakteriyalar sonini maksimal 60 foizga kamaytirishga muvaffaq bo‘lishdi. Shimgichni mikroto‘lqinli pechda davolash ham yordam bermaydi.
Nima qilish kerak: gubkalarni iloji boricha tez-tez o‘zgartiring, bir haftadan ko‘p bo‘lmagan muddatga foydalaning.
Ikkinchi eng xavfli narsa - idishlarni quritish uchun mo‘ljallangan gilamcha. Doimiy namlik patogen bakteriyalar va mog‘orlarning rivojlanishiga sabab bo‘ladi.
Xo’sh, bakteriyalardan qanday qutulish mumkin? Muntazam ravishda quritish xavfsizroq.
Uchinchi o‘rin oshxonadagi rakvina quvurlaridir. 45 foiz hollarda oshxona rakvinasining quvurlari bakteriyalar rivojlanishi uchun eng mos joy hisoblanadi.
Quvurlarni muntazam tozalash va dezinfeksiyalash vositalari bilan yuvish kerak.
To‘rtinchi o‘rin yog‘och kesish taxtasi. AQSH Milliy fan fondi tadqiqotchilari tomonidan o’tkazilgan tajriba natijalariga ko’ra, barcha kesish taxtalarining 18 foizi infeksiya va bakteriyalar bilan ifloslanganligini aniqlandi. Mikro yoriqlarga tushadigan oziq-ovqat qoldiqlari bakteriyalar rivojlanishi uchun qulay muhitdir.
Har foydalanishdan keyin taxtani yaxshilab yuvib tashlang, tez-tez dezinfeksiya qiling. Meva va sabzavotlar uchun, go‘sht uchun, baliq uchun alohida taxtakachlardan foydalaning.
Beshinchi o‘rin qahva qaynatgich. Qahva mashinasining suv omborida qolgan namlik turli xil bakteriyalar, shuningdek, mog‘or qo‘ziqorinlari uchun ajoyib joy.
Bulardan qutulish uchun haftada bir marta, kofe qaynatgichni dezinfeksiyalash lozim.
O'zingiz va ayqinlaringiz salomatligiga befarq bo'lmang!
So’ngi yangiliklar